Maithili Kavita ... मैथिली कविता : अभ्यागत ... विनीत ठाकुर

Maithili Poem

कतेक देर सँ ठाढ़ छथि द्वार पर अभ्यागत               
भिक्षा दऽ कऽ घरनी करु हुनका स्वागत

प्रचण्ड गर्मी सँ भीत धेने भेल लहालोट छै
तन पर गुदरी ओकर देखियौ कतेक छोट छै
अपन दुःख आ पीड़ा के ओ छातीमे दवाकऽ
टहल लगावे ओ सगरो गामे गाम जाकऽ

जन्मे कि कर्म सँ कोनो कहबै पछुआएल
कपटी के जालमे ओकर जीवन छै ओझराएल
अषाढ़क रौदी जँका पयर मे फाटल बेमाय छै
समाजे नै देखतै तऽ ककरा लग ओकर दवाइ छै



विनीत ठाकुर
मिथिलेश्वर मौवाही–६, धनुषा


Maithili language : Mithilakshar / Tirhuta script